Tokio Olimpiya Oyunlarında koronavirusa daha 22 yoluxma halı qeydə alınıb
Tokio, 7 avqust, AZƏRTAC
Tokio Olimpiya Oyunlarında son sutkada daha 22 nəfərdə koronavirusa yoluxma halı qeydə alınıb.
AZƏRTAC xəbər verir ki, bu barədə “Tokio-2020”nin təşkilat komitəsinin saytında avqustun 7-də yerləşdirilən hesabatda bildirilir.
Sənəddə qeyd edilir ki, koronavirusa yoluxanlar arasında idmançılar yoxdur. Beləliklə, Olimpiya Oyunları ilə əlaqəli şəxslər arasında koronavirusa yoluxanların ümumi sayı 409 nəfərə çatıb.
Xatırladaq ki, Tokioda epidemioloji vəziyyət ağır olduğuna görə hökumət Yaponiya paytaxtında tətbiq edilən sayca dördüncü fövqəladə vəziyyət rejiminin müddətini avqustun 31-dək uzadıb. Bu rejimin tətbiqi nəticəsində ictimai iaşə obyektlərində spirtli içkilərin satılmasına, tamaşaçıların kütləvi tədbirlərə buraxılmasına icazə verilmir. Buna görə də Olimpiya Oyunlarının keçirildiyi idman obyektlərinə tamaşaçılar buraxılmırlar.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
