TOVUZ RAYONUNDA PAYIZLIQ ƏKİNLƏR ÜÇÜN ŞUM QALDIRILIR
Tovuz, 2 oktyabr (AZƏRTAC). Rayon icra hakimiyyəti başçısının aqrar məsələlər üzrə müavini Niftalı Qasımov bildirmişdir ki, tovuzlular həmişə torpaqdan maksimum gəlir əldə etmələri ilə şöhrət qazanmışlar.
Ölkədə istehsal olunan kartofun üçdə birini verən Tovuz fermerləri taxılçılıq sahəsində də uğurlar qazanmışlar. Rayonun dağətəyi kəndlərinin sakinləri taxıla olan ehtiyaclarını özləri ödəyirlər.
Artıq Əlibəyli, Hacallı, Yuxarı Öysüzlü, Aşağı Öysüzlü, Ağdam, Aşağı Quşçu və digər kəndlərdə payızlıq taxıl əkini üçün sahələrin şumlanmasına başlanmışdır. Fermerlər artıq 250 hektarda şum qaldırmışlar.
Xatırladaq ki, rayonun fermerləri bu il 40 min tona yaxın taxıl istehsal etmişlər.
Bölmənin digər xəbərləri
