TOVUZLU SAHİBKAR PAYTAXTDA KEÇİRİLƏN YARMARKAYA MƏHSUL GÖNDƏRİR
Tovuz, 3 oktyabr (AZƏRTAC). Tovuz rayonunun Düz Qırıqlı kənd sakini, sahibkar Qüdrət Əsgərov 5 hektar üzüm bağında bol məhsul yetişdirmişdir.
Sahibkar bu məhsulun bir hissəsini hər həftənin şənbə və bazar günləri paytaxtda təşkil edilən yarmarkaya göndərdiyini bildirmişdir. O, Bakının Nərimanov rayonunda keçirilən kənd təsərrüfatı məhsullarının satışı yarmarkasına üzümlə bərabər, lobya, soğan, xiyar və digər meyvə-tərəvəz çıxarır.
İndiyədək yarmarkaya 3 ton məhsul yola salan sahibkar bundan sonra da paytaxt sakinlərinin mütəmadi surətdə bazar qiymətlərindən ucuz kənd təsərrüfatı məhsulları ilə təmin olunmasında fəal iştirak edəcəyini bildirmişdir.
Bölmənin digər xəbərləri
