Tramp İranla müharibəyə görə peşman olmadığını deyib
Vaşinqton, 11 sentyabr, AZƏRTAC
ABŞ Prezidenti Donald Tramp İranla müharibəyə görə peşman olmadığını bildirib.
AZƏRTAC xəbər verir ki, o, bu barədə “Fox News” telekanalına müsahibəsində danışıb.
“Mən peşmanlıq sözünə inanmıram. Yenidən seçim qarşısında qalsaydım, eynilə etdiyim kimi davranardım”, – deyə Tramp bildirib.
ABŞ Prezidenti İranın nüvə imkanlarının sıradan çıxarıldığını, Tehranın nüvə silahı əldə edəcəyi təqdirdə, bundan istifadə edəcəyini deyib. Onun sözlərinə görə, bununla onlar İsrail və Yaxın Şərqi məhv edər və ABŞ-nin bir neçə şəhərini vurmağa çalışardı.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
