Trans-Xəzər marşrutu ilə taxıl ixracı üç dəfə artıb
Astana, 20 noyabr, AZƏRTAC
Aktauda Qazaxıstanın əsas ixracatçılarının iştirakı ilə “Trans-Xəzər Beynəlxalq Nəqliyyat Marşrutu üzrə 2025-ci ildə daşınmaların qiymətləndirilməsi və 2026-cı il üçün planlar” adlı dəyirmi masa keçirilib.
AZƏRTAC-ın “Rail-news.kz”ə istinadla məlumatına görə, bu ilin ilk 10 ayında TXNM marşrutu üzrə dəmir yolu daşımalarının həcmi 2,6 milyon ton təşkil edib və Qazaxıstan yük ixracının payı 74 faiz olub.
Ən böyük artım əlvan metal daşımalarında – 84 faiz, taxıl ixracında isə üç dəfə müşahidə olunub. Həmçinin, kimyəvi və mineral gübrələrin daşınması 16 faiz artıb. Qərb istiqamətində tranzit 32,4 faiz yüksəlib, bu da marşruta beynəlxalq marağın artdığını göstərir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
