Turizm obyektlərində aparılan monitorinqlər mövcud problemlərin həllinə kömək edəcəkdir
Bakı, 26 avqust (AZƏRTAC). Yay turizm mövsümünün yekunlaşması ilə əlaqədar Azərbaycanın bölgələrində fəaliyyət göstərən turizm, mehmanxana və mehmanxana tipli obyektlərdə monitorinqlər aparılır. Bununla bağlı Mədəniyyət və Turizm Nazirliyinin Turizm şöbəsinin əməkdaşları bölgələrə ezam olunmuşlar.
Mədəniyyət və Turizm Nazirliyindən AZƏRTAC-a bildirmişlər ki, monitorinqlər yay turizm mövsümünün əvvəlində də aparılmışdır və hazırkı yoxlamalar yay mövsümünün yekunları ilə bağlı həyata keçirilir. Nazirliyin əməkdaşlarının ölkənin şimal, cənub və şimal-qərb zonalarındakı istirahət mərkəzlərində, mehmanxana və mehmanxana tipli obyektlərdəki monitorinqləri bir neçə gün davam edəcəkdir.
Əldə olunan nəticələr sentyabrın 27-də Dünya Turizm Günü ilə bağlı keçiriləcək tədbirdə ictimaiyyətə açıqlanacaqdır.
Bölmənin digər xəbərləri
