Türkiyə ərazisini qanunsuz yollarla tərk etmək istəyən 220 miqrant saxlanılıb
İstanbul, 30 mart, AZƏRTAC
Türkiyənin müxtəlif bölgələrində ölkə ərazisini qanunsuz yollarla tərk etmək istəyən 220 miqrant saxlanılıb.
AZƏRTAC xəbər verir ki, miqrantlar ölkənin Çanaqqala, Balıkesir, İzmir və Muğla vilayətlərində ələ keçiriliblər. Onların rezin qayıqlarla Yunanıstana keçmək istədikləri müəyyən edilib.
Yunanıstan tərəfinin qəbul etmədiyi miqrantlar Türkiyənin Sahil Mühafizə Xidmətinin əməkdaşlarına təslim olublar.
Aralarında qadın və uşaqların da olduğu miqrantlar ölkələrinə geri göndərilmələri üçün aidiyyəti qurumlara təhvil veriliblər.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
