Türkiyə hərbçilərinin Livanda qalma müddəti bir il uzadılıb
Bakı, 11 oktyabr, AZƏRTAC
Türkiyə hərbçilərinin BMT-nin Müvəqqəti Qüvvələrinin Livandakı missiyasında iştirak mandatı bir il müddətinə uzadılıb.
AZƏRTAC xəbər verir ki, bu barədə qərarı Türkiyə Böyük Millət Məclisi təsdiqləyib.
Qərara əsasən, Türkiyə hərbçiləri 2024-cü il oktyabrın 31-dək Livanda qalacaqlar.
Mandat ilk dəfə 2006-cı ilin sentyabrında Türkiyə parlamenti tərəfindən təsdiqlənib. Ankaranın fikrincə, bu addım regional və qlobal miqyasda sülh və sabitliyin qorunması üçün zəruridir.
Bölmənin digər xəbərləri
