Türkiyə sahillərində Ukrayna istiqamətində üzən gəmi batıb
Bakı, 5 aprel, AZƏRTAC
Qvineya-Bisau bayrağı altında üzən kommersiya gəmisi Türkiyənin Aralıq dənizi sahillərindəki Kumluca şəhəri yaxınlığında batıb.
AZƏRTAC Türkiyə mediasına istinadla xəbər verir ki, hadisə aprelin 5-də yerli vaxtla saat 03:47-də baş verib. Antalya valisi Ersin Yazıcının sözlərinə görə, qəza zamanı gəminin göyərtəsində 14 ekipaj üzvü olub, onlardan beşi xilas edilib. Hazırda Türkiyənin xilasetmə xidmətləri doqquz ekipaj üzvünün axtarışını davam etdirir. Axtarış-xilasetmə əməliyyatına iki helikopter və bir təyyarə cəlb olunub.
Türkiyənin sahil-mühafizə xidmətinin məlumatına əsasən, gəmi İskenderun limanından Ukraynanın İzmail limanı istiqamətində üzürdü.
Kumluca şəhərinin Baş prokurorluğu insidentlə bağlı təhqiqata başlayıb.
Bölmənin digər xəbərləri
