Türkiyə təhsil sistemində süni intellekt tətbiqini genişləndirməyi planlaşdırır
Ankara, 23 iyun, AZƏRTAC
Türkiyənin milli təhsil naziri Yusuf Tekin təhsil sistemində süni intellekt (AI) texnologiyalarından daha fəal istifadə etmək planlarını açıqlayıb.
AZƏRTAC xəbər verir ki, o, Ankaradan videokonfrans vasitəsilə ölkənin 81 vilayətindən olan müəllimlərə müraciət edərək süni intellektlə dəstəklənən çoxsaylı təhsil proqramlarının uğurla tətbiqinə diqqət çəkib.
“Türkiyənin təhsil sistemi daim təkmilləşdirilir. Bu gün biz təhsil sektorunda süni intellektdən daha çox istifadəyə diqqət yetiririk”, - deyə nazir əmin edib.
Y.Tekin qeyd edib ki, bu gün Türkiyədə 75 minə qədər məktəb fəaliyyət göstərir ki, burada 18 milyon şagird təhsil alır, müəllimlərin sayı isə 1,2 milyona çatır.
Onun sözlərinə görə, daha bir prioritet texniki və peşə təmayüllü yeni ümumtəhsil məktəblərinin açılmasıdır.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
