TÜRKİYƏ VƏ YUNANISTANDA ZƏLZƏLƏLƏR BAŞ VERMİŞDİR
AZƏRTAC-ın xüsusi müxbiri xəbər verir ki, dekabrın 2-də yerli vaxtla saat 17.51 radələrində Türkiyənin Balıqəsir vilayətinin Sındırq rayonu ərazisində, 4,4 ball gücündə zəlzələ qeydə alınmışdır. İstanbulun Kandilli seysmoloji mərkəzinin məlumatına görə, yeraltı təkanlar 7-8 saniyə davam etmişdir. Dağıntı və tələfat yoxdur.
Həmin gün saat 05.36 radələrində mərkəzi Yunanıstanın Mora yarımadasının şimal-şərqindəki Pirqos şəhəri yaxınlığında da Rixter cədvəli ilə 4,2 ball gücündə zəlzələ baş vermişdir. Afina Seysmologiya İnstitutunun məlumatına görə, zəlzələ tələfat və dağıntıya səbəb olmamışdır.
Tural Rzayev
AZƏRTAC-ın xüsusi müxbiri
Bölmənin digər xəbərləri
