TÜRKİYƏ XARİCİ İŞLƏR NAZİRLİYİNİN BƏYANATI
Bəyanatda deyilir: “Ankara ümid edir ki, son günlər Gürcüstan və Acarıstan Muxtar Respublikası hökumətləri arasında yaranmış gərginlik təmkinlə və ölçülüb-biçilmiş surətdə, hazırda Gürcüstanda həyata keçirilən demokratik proses ruhunda nizama salınacaqdır”.
Bəyanatda qeyd edilir ki, “Türkiyə onun sərhədinin o tayında baş verən prosesləri diqqətlə izləyir və yaranmış gərginliyin aradan qaldırılması üçün tərəflərin səylərinə hər cür dəstək verməyə hazırdır”.
Türkiyə XİN əmin olduğunu bildirir ki, bu cür mövqe Gürcüstanda martın 28-nə nəzərdə tutulan parlament seçkilərinin demokratik qaydalar çərçivəsində keçirilməsinə və tərəflər arasındakı fikir ayrılıqlarının aradan qaldırılmasına kömək edəcəkdir.
Bölmənin digər xəbərləri
