Türkiyədəki partlayış terrorçunun üstündəki bombanın partlaması əsasında baş verib
Ankara, 27 oktyabr, AZƏRTAC
Türkiyənin Hatay vilayətinin İsgəndərun rayonunun mərkəzində yerləşən Fənər prospektində zərərsizləşdirilən terrorçunun üstündəki bomba partlayıb.
AZƏRTAC xəbər verir ki, PKK terrorçuları terror aktı törətmək məqsədilə Amanos dağlarından Hatay bölgəsinə eniblər. Hatayın Dörd yol rayonunda nəzarət məntəqəsində “dayan” əmrinə tabe olmayan terrorçular polisə atəş açıblar. Terrorçuları təqib edən qanun keşikçiləri onları İsgəndərun rayonu ərazisində sıxışdırıblar. Baş verən atışmada terrorçulardan biri öldürülüb. Vurulan terrorçunun üstündəki bomba partlayıb. İkinci terrorçunun da zərərsizləşdirildiyi bildirilir.
Prezident Rəcəb Tayyib Ərdoğan hadisəni kəskin ifadələrlə qınayaraq, polis əməkdaşlarını və hataylıları təhlükənin dəf olunması münasibətilə təbrik edərək bildirib ki, artıq Türkiyə belə terror aktları ilə məşğul edilən ölkə deyil.
Hazırda bölgədə antiterror əməliyyatı və hadisənin araşdırılması davam edir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
