Türkiyəni təmsil edən azərbaycanlı üzgüçü dünya çempionu olub
Bakı, 24 avqust, AZƏRTAC
Azərbaycanlı üzgüçü Nüsrət Allahverdi dünya çempionu olub.
AZƏRTAC xəbər verir ki, 18 yaşlı idmançı Rumıniyada gənclər arasında keçirilən mundialda Türkiyə millisinin heyətinə qızıl medal qazandırıb.
O, 50 metr məsafəyə brass üsulu ilə üzmə yarışında 26,98 saniyə ilə finişə hamıdan tez çataraq fəxri kürsünün ən yüksək pilləsinə qalxıb.
Qeyd edək ki, Nüsrət Allahverdi ötən il Litvada keçirilmiş Avropa çempionatında eyni növ üzrə birinci yeri tutmuşdu.
Bölmənin digər xəbərləri
