Türkiyənin Gürcüstandakı səfirliyi fəaliyyətini davam etdirir
Tbilisi, 26 oktyabr, AZƏRTAC
Türkiyənin Gürcüstandakı səfirliyinin fəaliyyətini dayandırması barədə məlumatlar əsassızdır və həqiqətə uyğun deyil.
AZƏRTAC xəbər verir ki, bu barədə Türkiyənin Gürcüstandakı səfirliyinin yaydığı bəyanatda bildirilib.
Qeyd edilib ki, bəzi kütləvi informasiya vasitələrində Türkiyənin Gürcüstandakı səfirliyinin fəaliyyətini dayandırması barədə həqiqətə uyğun olmayan məlumatlar yayılıb. Bu məlumatların heç bir əsası yoxdur.
Diqqətə çatdırılıb ki, COVID-19 virusunun sürətlə yayılması səbəbindən səfirliyin konsulluq şöbəsinin fəaliyyəti profilaktik tədbirlər üçün müvəqqəti dayandırılıb. Bununla belə, konsulluqda “qaynar xətt” daim fəaliyyət göstərir. Konsulluq xidməti müxtəlif zaman kəsiyində təcili və təxirəsalınmaz məsələlərlə bağlı fəaliyyət göstərəcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
