Türkiyənin “Kanaltürk” televiziyasının “Dünyayı geziyorum” proqramının iki buraxılışı Azərbaycana həsr olunacaqdır
Bakı, 3 aprel (AZƏRTAC). Azərbaycan Respublikası Mədəniyyət və Turizm Nazirliyinin dəvəti əsasında Türkiyənin “Kanaltürk” televiziyasının “Dünyayı geziyorum” proqramının çəkiliş qrupu martın 18-dən 25-dək ölkəmizdə olmuşdur.
Mədəniyyət və Turizm Nazirliyindən AZƏRTAC-a bildirmişlər ki, səfər çərçivəsində Azərbaycanda keçirilən Novruz bayramından və həmçinin ölkəmizin turizm potensiallı bölgələrində çəkilişlər aparılmışdır.
Çəkilişlərin yekunu olaraq aprelin 8-də və 15-də Bakı vaxtı ilə saat 15.30-da “Kanaltürk” telekanalının “Dünyayı geziyorum” proqramı Azərbaycanın turizm potensialına həsr olunacaqdır.
Bölmənin digər xəbərləri
