Türkiyənin təhlükəsizlik qüvvələri antiterror əməliyyatlarını uğurla davam etdirir
Ankara, 17 sentyabr, AZƏRTAC
Ankara Polis İdarəsinin terrorla mübarizə və təhlükəsizlik şöbələrinin əməkdaşları İŞİD terror təşkilatına qarşı xüsusi əməliyyat keçiriblər.
AZƏRTAC xəbər verir ki, əməliyyat zamanı İŞİD ilə əlaqəsi olmaqda şübhəli bilinən 19 iraqlı müəyyənləşdirilib. Onlardan 16-sı həbs edilib, digərləri isə axtarılır. Daxili İşlər Nazirliyinin digər məlumatına görə, axtarışda olan “Ferman” ləqəbli təhlükəli terrorçu Ercan Yacan Van vilayətində həbs edilib.
Milli Müdafiə Nazirliyinin məlumatında isə bildirilir ki, Suriyada həyata keçirilən “Fərat qalxanı” və “Sülh çeşməsi” antiterror əməliyyatlarının aparıldığı bölgələrə daxil olmaq istəyən və Türkiyə hərbi birliklərinə atəş açan 11 PKK/YPG terrorçusu məhv edilib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
