TÜRKİYƏYƏ GƏLƏN TURİSTLƏRİN SAYI ARTIR

06.06.2004 [08:48]
Çap et
A⁺ A^-

AZƏRTAC-ın xüsusi müxbiri xəbər verir ki, Türkiyənin mədəniyyət və turizm nazirliyi may ayı ərzində ölkəni ziyarət edən xarici turistlər haqqında statistik məlumatları açıqlamışdır. Bu məlumatlara əsasən, 2004-cü ilin may ayında ölkəyə ötən illə müqayisədə 52,02 faiz çox turist gəlmişdir. Ümumiyyətlə isə may ayında Türkiyəni 1.799.964 xarici vətəndaş ziyarət etmişdir. Statistik məlumatlara görə, Almaniya, Rusiya Federasiyası, İngiltərə və Hollandiyadan gələn turistlər daha çox üstünlük təşkil edirlər. Bütövlükdə isə 2004-cü ilin ilk altı ayında Türkiyəyə 4.829.889 xarici turist səfər etmişdir.

Turistlərlə yanaşı bu ölkəyə qeyri-leqal gələnlər və insan alveri ilə məşğul olanlar da var. Türkiyənin hüquq-mühafizə orqanları ölkəyə qeyri-rəsmi gələn xarici vətəndaşları aşkar etmək üçün geniş əməliyyat tədbirləri həyata keçirir. Artıq İzmirdə polis və jandarma dəstələri tərəfindən aparılan birgə əməliyyat nəticəsində daha bir quldur şəbəkəsi aşkar olunmuşdur. Bu şəbəkənin üzvləri qeyri-qanuni yollarla 31 xarici vətəndaşı ölkəyə gətirmiş və onları Avropaya göndərməyə boyun olmuşlar.

Qeyri-qanuni bizneslə məşğul olan üç türk vətəndaşı haqqında cinayət işi qaldırılmışdır.