U-23 dünya çempionatında iştirak edəcək sərbəst güləşçilərimiz müəyyənləşib
Bakı, 1 noyabr, AZƏRTAC
Serbiyanın paytaxtı Belqradda 23 yaşadək güləşçilərin dünya çempionatı davam edir.
AZƏRTAC xəbər verir ki, mundialın son 3 günündə (5-7 noyabr) sərbəst güləşçilər mübarizə aparacaqlar.
Məsul yarışda ölkəmizi baş məşqçi Namiq Abdullayev, böyük məşqçi Zəlimxan Hüseynov və məşqçi Arif Abdullayevin rəhbərliyi altında Əliabbas Rzazadə (57 kq), İntiqam Vəlizadə (61 kq), Zirəddin Bayramov (65 kq), Murad Yevloyev (70 kq), Turan Bayramov (74 kq), Əşrəf Aşırov (79 kq), Abubakr Abakarov (86 kq), Osman Nurməhəmmədov (92 kq) və İslam İlyasov (97 kq) təmsil edəcəklər.
Qeyd edək ki, noyabrın 4-də bütün çəki dərəcələri üzrə püşkatma mərasimi keçiriləcək.
Bölmənin digər xəbərləri
