UKRAYNA QUŞÇULUQ FABRİKLƏRİ “QUŞ QRİPİ” ÜZÜNDƏN BAĞLANA BİLƏR
“Ukrayna Quşçular İttifaqı” Assosiasiyası Direktorlar şurasının sədri Aleksandr Bakumenko mətbuat konfransında bildirmişdir ki, son bir neçə həftə ərzində Ukrayna quşçuluq fabriklərinin ət satışının həcmi 30-40 faiz azalmışdır. O vurğulamışdır ki, Ukrayna quşçuluq fabriklərinin məhsulu tamamilə təhlükəsizdir, çünki onların ərazisinə hər hansı təhlükəli virusun düşməsinin qarşısını almaq üçün bütün lazımi tədbirlər görülmüşdür.
Ukrayna baytarlıq xidmətinin baş dövlət inspektoru Pyotr Verbitski demişdir ki, yerli baytar həkimləri ev quşlarının və vəhşi quşların qan analizini götürüb digər dövlətlərin mütəxəssisləri ilə tədqiqat aparmağa və bununla da ölkədə quşların “quş qripi”nə yoluxması hallarının gizli saxlanılmadığına zəmanət verməyə hazırdırlar. O bildirmişdir ki, insanın “quş qripi”nə yoluxma ehtimalı digər yoluxucu xəstəliklərə nisbətən daha azdır.
Bölmənin digər xəbərləri
