Umud Mirzəyev: Son 3 ildə Qərbi Azərbaycanla bağlı çox böyük işlər görülüb
Bakı, 11 iyun, AZƏRTAC
Son 3 ildə Qərbi Azərbaycanla bağlı çox böyük işlər görülüb, kifayət qədər ciddi araşdırmalar aparılıb, kitablar nəşr olunub. Bundan əlavə, böyük beynəlxalq tədbirlər keçirilib. Bu tədbirlərdən ikisi Beynəlxalq Avrasiya Mətbuat Fondu tərəfindən BMT-nin Cenevrə ofisində təşkil olunub. Sonuncu tədbirimiz isə Qərbi Azərbaycandan deportasiya edilən uşaqlara həsr olunmuşdu.
Bu sözləri AZƏRTAC-a açıqlamasında Beynəlxalq Avrasiya Mətbuat Fondunun prezidenti Umud Mirzəyev söyləyib.
Keçmiş Qarabağ problemi həll edildikdən sonra Qərbi Azərbaycan məsələsinin Azərbaycan üçün prioritet mövzuya çevrildiyini diqqətə çatdıran U.Mirzəyev əlavə edib ki, tarixi torpaqlarımızda sonuncu deportasiyadan sonra bir nəfər də olsun azərbaycanlı qalmayıb.
"Çox sevindirici haldır ki, beynəlxalq auditoriyalarda Qərbi Azərbaycan məsələsi gündəmə gətirilib. Lakin bundan sonra da görəcəyimiz işlər çoxdur", - deyə o qeyd edib.
Bölmənin digər xəbərləri
