Ümummilli Liderin əziz xatirəsi İstanbulda da yad edilib VİDEO
İstanbul, 10 may, Günel Karatepe, AZƏRTAC
Azərbaycan xalqının Ümummilli Lideri Heydər Əliyevin anadan olmasının 102-ci ildönümü ilə əlaqədar İstanbulun Sarıyer rayonunda yerləşən Heydər Əliyev Parkında Ulu Öndərin abidəsi ziyarət olunub.
AZƏRTAC xəbər verir ki, tədbir Azərbaycanın İstanbuldakı Baş Konsulluğunun təşkilatçılığı ilə keçirilib.
Mərasimdə Baş konsul Nərminə Mustafayeva, Sarıyer Bələdiyyəsinin sədri Mustafa Oktay Aksu, Türk Dövlətləri Təşkilatının nümayəndələri, Azərbaycanın dövlət təşkilatlarının Türkiyədəki təmsilçiləri, qardaş ölkədə təhsil alan hərbçilərimiz və digərləri iştirak ediblər.
Ulu Öndərin xatirəsi ehtiramla yad olunub, abidəsi önünə əklillər və tər güllər düzülüb.
Sonra tədbir iştirakçıları türk xalqının ulu öndəri Mustafa Kamal Atatürkün parkda yerləşən abidəsini ziyarət edərək önünə tər güllər düzüblər.
Tədbirdə çıxış edən Baş konsul və Sarıyer Bələdiyyəsinin sədri Ümummilli Liderin Azərbaycan xalqı və Türk dünyası qarşısında əvəzsiz xidmətlərindən danışıblar. Bildirilib ki, Ulu Öndərin ən böyük xidmətlərindən biri də xalqın öz milli kimliyinə sahib çıxmasını təmin etməsi olub.
Çıxışlarda hər iki dövlətin Ulu öndərləri Heydər Əliyev və Mustafa Kamal Atatürkün “Bir millət, iki dövlət” və “Azərbaycanın sevinci sevincimiz, kədəri kədərimizdir” kəlamları xatırladılıb.
Bölmənin digər xəbərləri
