UNEC dünyanın ən yaxşı universitetləri sırasındadır
Bakı, 19 mart, AZƏRTAC
Avropa İttifaqının “Erasmus+” proqramı tərəfindən maliyyələşən “U-Multirank” reytinq təşkilatı dünya universitetlərinin fənlər üzrə reytinq cədvəlini açıqlayıb.
“U-Multirank” təşkilatının İqtisadiyyat fənni (subject ranking) üzrə reytinqındə Azərbaycan Dövlət İqtisad Universiteti (UNEC) 302 ən yaxşı universitet arasında 259-cu sırada qərarlaşıb.
UNEC-dən AZƏRTAC-a bildirilib ki, “U-Multirank” reytinq sıralamasının builki buraxılışında 92 ölkədən 1800-ə yaxın universitet 5 kriteriya - tədris və öyrənmə, tədqiqat, bilik transferi, beynəlmilləşmə və regional fəaliyyətləri üzrə qiymətləndirilib.
Builki fənn reytinqində 302 universitetinin 229-u Avropa, 30-u Asiya, 2-si Afrika, 28-i Şimali Amerika, 8-i Latın Amerikası və 5-i isə Sakit Okean region ölkələrindən daxil olub.
Bölmənin digər xəbərləri
