UNEC tələbələri “Texnofest” festivalına hazırlaşır
Bakı, 19 mart, AZƏRTAC
Azərbaycan Dövlət İqtisad Universitetinin (UNEC) iki komandası dünyanın ən mühüm texnologiya festivallarından biri sayılan “Teknofest 2021”də iştirak edəcək.
UNEC-dən AZƏRTAC-a bildirilib ki, Rəqəmsal iqtisadiyyat və mühəndislik fakültələrinin tələbələrinin təmsil olunduğu komandalar “Pilotsuz uçuş aparatları” və “İnsanlığa faydalı texnologiyalar” kateqoriyalarına aid ideyalarını təqdim ediblər.
“Teknofest” Türkiyə Texnologiya Vəqfi və Türkiyə Sənaye və Texnologiya Nazirliyinin birgə dəstəyi ilə təşkil olunur. Əsas məqsəd “Milli texnologiya həmləsi” devizi altında milli texnologiyaların təkmilləşdirilməsinə dəstək olmaqdır.
Yarışda 34 kateqoriya müəyyən edilib. Sentyabrın 21-26-da müəyyən ediləcək qalib komandalara 4 milyon tl dəyərində mükafat təqdim ediləcək.
Komandaların hazırlıq və koordinasi prosesi UNEC Karyera Mərkəzi tərəfindən həyata keçirilir.
Bölmənin digər xəbərləri
