“UniNet” internet şəbəkəsinə qoşulmaq üçün qiymətləri endirmişdir
Bakı, 6 oktyabr (AZƏRTAC). Azərbaycanın internet-servis provayderi “UniNet” (“Stream” ticarət markalı) internet şəbəkəsinə qoşulmaq üçün qiymətləri endirmişdir.
Şirkətdən AZƏRTAC-a bildirmişlər ki, yeni tariflərdə qoşulma sürətinin və “Freedom”, “Extream”, “Maxima” paketlərində əvvəlcədən ödənilən genişzolaqlı ADSL trafikinin artırılması nəzərdə tutulur.
Şirkət NEO tarif paketini və digər bütün əvvəlki trafik paketlərini (“Maxima” tarif paketindən başqa) ləğv etmişdir və abonentlər internetin sürəti saxlanılmaq şərti ilə uyğun qiymətlə limitsiz (“Freedom” kateqoriyasına) tarifə keçirilmişdir.
Hazırda “AlfaNet”, “AzStarNet”, “SmartSystems”, “Ultel”, “Avirtel”, eləcə də dövlət provayderləri “AzTelekomNet” və “BakinterNet” internet şəbəkəsinə çıxışın qiymətlərini ucuzlaşdırmışlar.
Bölmənin digər xəbərləri
