V.ARUTYUNYANIN İŞİ MƏHKƏMƏYƏ VERİLMİŞDİR
Məhkəmə prosesinin konkret olaraq nə vaxt başlanacağı bildirilmir.
Müttəhimin vəkili Zaza Şanava demişdir: “Mən Arutyunyan üçün psixiatriya ekspertizası keçirilməsini tələb edirəm. İstintaq isə bundan iki dəfə imtina edib. Müxtəlif məsələlərlə bağlı Arutyunyanın şübhəli reaksiyaları məndə belə bir rəy yaratmışdır ki, o, mütləq psixiatriya ekspertizasından keçməlidir”.
Xatırladaq ki, Arutyunyan iyulun 20-də Tbilisidə tutulmuş, üç gün sonra məhkəmə onun “qanunsuz silah, partlayıcı maddələr saxlamaq, Gürcüstan Daxili İşlər Nazirliyinin zabitini qəsdən öldürmək” barədə ittihamlar əsasında üç ay müddətinə ibtidai həbsdə olması haqqında qərar çıxarmışdır. Oktyabrın 20-də məhkəmə onun ibtidai həbsdə saxlanılması müddətini daha üç ay uzatmışdır.
Arutyunyanın təqsiri təsdiq edilərsə, onu ömürlük həbs cəzası gözləyir.
Bölmənin digər xəbərləri
