Vaşinqton yanğınsöndürmə xidmətinin rəisi: Qəzadan kiminsə sağ çıxma ehtimalı yoxdur
Bakı, 30 yanvar, AZƏRTAC
ABŞ-da təyyarə ilə helikopterin toqquşması nəticəsində baş vermiş qəzadan kiminsə sağ çıxma ehtimalı yoxdur.
AZƏRTAC “NBC news” telekanalına istinadla xəbər verir ki, bu barədə Vaşinqton yanğınsöndürmə xidmətinin rəisi Con Donnelli mətbuat konfransında bildirib. O, axtarış zamanı bir meyitin helikopterdən, digərlərinin isə təyyarədən çıxarıldığını qeyd edib.
Con Donnelli hazırda Baş Tibbi Ekspertiza İdarəsinin meyiti tapılanların şəxsiyyətini müəyyənləşdirməyə çalışdığını vurğulayıb.
Qeyd edək ki, yanvarın 30-da “American Airlines” aviaşirkətinə məxsus sərnişin təyyarəsi Vaşinqtonda Ronald Reyqan Hava Limanı yaxınlığında UH-60 “Black Hawk” hərbi helikopteri ilə toqquşub. Onların hər ikisi Potomak çayına düşüb.
Təyyarənin göyərtəsində 60 sərnişin və dörd ekipaj üzvü, helikopterdə isə üç hərbçi olub.
Bölmənin digər xəbərləri
