Venesuelada COVID-19-u neytrallaşdıran dərman yaradılıb
Madrid, 26 oktyabr, AZƏRTAC
Venesuela Prezidenti Nikolas Maduro elan edib ki, onun ölkəsinin alimləri COVID-19-u 100 faiz neytrallaşdıra biləcək dərman işləyib hazırlayıblar. Bu molekul TR-10 adını daşıyır.
AZƏRTAC xəbər verir ki, dövlət başçısının sözlərinə görə, Venesuela Elmi-Tədqiqat İnstitutu (IVIC) 6 ay ərzində yeni preparatın effektivliyini öyrənib. IVIS yaxın günlərdə preparatı təsdiqlənmək üçün Ümumdünya Səhiyyə Təşkilatına yollayacaq.
TR-10 molekulu hər hansı zəhərləmə qabiliyyətinə malik deyil və kənar təsir əmələ gətirmir.
Qeyd edək ki, indiyədək Venesuelada koronavirusa yoluxanların sayı 89565 nəfərə çatıb, 773 nəfər isə bu xəstəlikdən vəfat edib.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
