VƏTƏNDAŞLARA KOMPENSASİYALAR ÖDƏNİLİR
Fövqəladə Hallar üzrə Dövlət Komissiyasının sədri Abid Şərifov AZƏRTAC-ın müxbirinə demişdir ki, belə rayonların sayı 30-dan artıqdır. Bunlardan hələlik 14-nə dəymiş zərərin məbləği dəqiqləşdirilmişdir. Büdcədən ilkin olaraq 5 milyard manat vəsait ayrılmış və onun ödənilməsinə başlanılmışdır. Məbləği mütəxəssislərdən ibarət müvafiq komissiya müəyyənləşdirmişdir. Kompensasiya iki formada ödənilir. Birincisi, müvafiq bankın filialında vətəndaşın adına hesab açılır və o, sənədini təqdim edib pulunu alır. Yaxud da vəsait zərərçəkmişin ünvanına poçtla göndərilir. Ödəmə və bank xərcləri, bu və ya digər faizlər dövlətin hesabınadır.
Komissiyanın işlədiyi rayonlara daha çox ehtiyacı olan vətəndaşlardan ötrü 38 min şifer, 7 min kvadratmetr şüşə göndərilmişdir.
Bölmənin digər xəbərləri
