Xaçmazda ölümlə nəticələnən yol-nəqliyyat hadisəsi baş verib
Xaçmaz, 20 avqust, Elxan Yusifli, AZƏRTAC
Avqustun 20-də Xaçmazda ölümlə nəticələnən yol nəqliyyat hadisəsi baş verib.
AZƏRTAC-ın bölgə müxbiri xəbər verir ki, Xudat-Nabran yolunda “VAZ-2107” və “Opel” markalı minik avtomobilləri toqquşub.
Qəza nəticəsində “Opel”in sərnişini Səxavət Hüseynzadə həyatını itirib, digər avtomobilin sürücüsü Hacıbala Xuruci isə xəsarət alıb. Yaralı Xaçmaz Rayon Mərkəzi xəstəxanasına yerləşdirilib.
Faktla bağlı araşdırma aparılır.
Bölmənin digər xəbərləri
