XAKERLƏRƏ QARŞI QANUN ÇƏRÇİVƏSİNDƏ MÜBARİZƏ APARILMALIDIR
Rabitə və informasiya texnologiyaları naziri Əli Abbasov AZƏRTAC-ın müxbirinə demişdir ki, xakerlər problemi bütün dünyada mövcuddur. Onlara qarşı qanunvericilik yolu ilə mübarizə aparılmalıdır. Ölkəmizdə bu sahədə artıq müəyyən addımlar atılmışdır. “Elektron sənəd haqqında” və “Elektron viza haqqında” qanunlar qəbul edilmiş, “Elektron kommersiya haqqında” qanun layihəsi hazırlıq mərhələsindədir. Bu sənədlərdə xakerlərlə mübarizə tədbirləri də nəzərdə tutulmuşdur.
