XALQ ARTİSTİNİN YUBİLEYİ QEYD OLUNMUŞDUR
Teatrın direktoru, xalq artisti Əlabbas Qədirov 40 ilə yaxın səhnə həyatı yaşayan sənətkarın yaratdığı müxtəlif, rəngarəng obrazlardan danışmışdır. Təkcə teatr səhnəsində deyil, televiziya filmlərində də canlandırdığı obrazları ilə tamaşaçıların rəğbətini qazanmış aktrisanın sənətinin fəaliyyətinin dövlətimiz tərəfindən lazımınca qiymətləndirildiyini, xalq artisti adına layiq görüldüyünü vurğulamışdır.
Teatr və mədəniyyət xadimləri həmkarları Z.Ağakişiyevanın zəhmətsevərliyindən, obrazlarla işləmək təcrübəsindən, teatr sənətimizin inkişafındakı xidmətlərindən söz açmış, yubilyarı təbrik edərək, ona gələcək yaradıcılığında uğurlar arzulamışlar.
Sonra yubilyara həsr olunmuş “Ağlasığmaz qətl” tamaşası göstərilmişdir.
Alber Kamyunun ikihissəli faciəsi əsasında rejissor Əsgər Əsgərovun quruluş verdiyi səhnə əsərində əsas rollarda Zərnigar Ağakişiyeva, xalq artistləri Zemfira Nərimanova, Rafiq Əzimov, aktyorlardan Rəşid Səməndər, Şəlalə Şahvələdqızı çıxış etmişlər.
Tamaşa maraqla qarşılanmışdır.
Bölmənin digər xəbərləri
