XARİCİ İŞLƏR NAZİRLİYİ İRAQLILARIN İDARƏSİNƏ VERİLMİŞDİR

12.05.2004 [22:59]
Çap et
A⁺ A^-

AZƏRTAC-ın xarici informasiya agentliklərindən aldığı xəbərdə deyilir ki, ABŞ İraq Xarici İşlər Nazirliyini iraqlıların idarəsinə vermişdir.

İraqın mülki administrasiyasının başçısı Pol Bremer xarici səfirlərin və İraq Müvəqqəti İdarəetmə Şurası üzvlərinin iştirakı ilə keçirilən mərasimdə XİN-in rəmzi açarını xarici siyasət idarəsinin indiki başçısı Xoşiyar Zibariyə təqdim etmişdir. Bremer mərasimdə çıxış edərək, bu hadisəni İraqın müstəqilliyə doğru yolda mühüm addımı adlandırmışdır.

X.Zibari demişdir ki, ölkənin dörd əsas nazirliyindən birinin xalqın idarəsinə verilməsi bu yaxın vaxtlarda formalaşdırılacaq İraq hökumətinin dünya birliyi tərəfindən tezliklə tanınmasına imkan yaradır.

Hakimiyyətin tamamilə iraqlılara verilməsi mərasimi iyunun 30-da olacaqdır.