SİYASƏT
XARİCİ İŞLƏR NAZİRLİYİNİN MƏTBUAT MƏRKƏZİ XƏBƏR VERİR
Fevralın 19-da Azərbaycan Respublikasının xarici işlər naziri Vilayət Quliyev ATƏT-in Bakıdakı nümayəndəliyinin yeni təyin olunmuş başçısı səfir Piter Burxardı qəbul etmişdir.
Nazir Vilayət Quliyev səfir Piter Burxardı yeni təyinatı münasibətilə təbrik edərək, ATƏT ilə əməkdaşlığın inkişafına Azərbaycanın böyük əhəmiyyət verdiyini bildirmişdir.
Görüş zamanı Vilayət Quliyev müstəqil Azərbaycanın Qərbə doğru inteqrasiyası, ölkəmizdə demokratik proseslərin, mətbuat və söz azadlığının inkişaf etdirilməsi, bələdiyyə seçkilərinin keçirilməsi, Ermənistan-Azərbaycan, Dağlıq Qarabağ münaqişəsinin həlli istiqamətində aparılan işlər, ATƏT-in Minsk Qrupunun fəaliyyəti barədə qonağa məlumat vermişdir.
Öz növbəsində Piter Burxard ATƏT ilə Azərbaycan arasında səmərəli fəaliyyətin və qarşılıqlı surətdə faydalı əlaqələrin daha da möhkəmlənəcəyinə ümidvar olduğunu bildirmişdir.
Görüşdə qarşılıqlı maraq doğuran bir sıra digər məsələlər də müzakirə olunmuşdur.