XƏZƏR DƏNİZİNİN HÜQUQİ STATUSU HAQQINDA KONVENSİYA 60 FAİZ HAZIRDIR

22.11.2005 [17:48]
Çap et
A⁺ A^-

Qazaxıstanın xarici işlər naziri Qasımcomərd Tokayev hesab edir ki, Xəzər dənizinin hüquqi statusu haqqında konvensiya 60 faiz hazırdır. AZƏRTAC xəbər verir ki, bunu o, beş Xəzəryanı ölkənin – Azərbaycan, İran, Qazaxıstan, Rusiya və Türkmənistan ekspertlərinin Xəzərin hüquqi statusu haqqında konvensiyanın hazırlanmasına dair noyabrın 22-də Astanada açılan 19-cu iclasında bildirmişdir.

Tokayev demişdir: “Xəzər dənizinin hüquqi statusunu tənzimləmək üçün yaratdığımız əsas mexanizmin səmərəliliyi sayəsində diskussiyaları əməli müstəviyə keçirmək və konvensiya layihəsi mətninin yarısından çoxunu razılaşdırmaq mümkün olmuşdur”.

Qazaxıstan XİN-in başçısı iclas iştirakçılarını konseptual müddəalar barədə qarşılıqlı məqbul qərarlar axtarmaq üçün danışıqlar prosesini müxtəlif formatlarda – ikitərəfli və beştərəfli formatlarda daha da canlandırmağa çağırmışdır.

XƏZƏR DƏNİZİNİN HÜQUQİ STATUSU HAQQINDA KONVENSİYA 60 FAİZ HAZIRDIR

MÜƏLLİFLƏ ƏLAQƏ

Bölmənin digər xəbərləri