XƏZƏRİN İNFRASTRUKTURLARININ GENİŞLƏNDİRİLMƏSİ MƏSƏLƏLƏRİ MÜZAKİRƏ EDİLMİŞDİR
AZƏRTAC-ın xüsusi müxbiri xəbər verir ki, bu şura Qazaxıstanda çalışan investorlarla birbaşa əlaqə qurulması, investisiya fəaliyyəti ilə bağlı problemlərin operativ həll edilməsi məqsədilə yaradılmışdır.
75 beynəlxalq şirkət və təşkilat nümayəndələrinin iştirak etdiyi görüşdə Xəzər regionunun infrastrukturlarının genişləndirilməsi, bu sahəyə xarici sərmayənin cəlb edilməsi məsələləri diqqət mərkəzində olmuşdur.
Şuranın iclasını Qazaxıstan Prezidenti Nursultan Nazarbayev açmışdır. O demişdir ki, ölkədə istehsal edilən neftin həcmi ilbəil artır. 2003-cü ildə 51,5 milyon ton neft hasil edilmişdisə, 2015-ci ildə bu rəqəm 150 milyon tondan artıq olmalıdır. Bunun 100 milyon tonu Xəzər regioununun payına düşür.
İclasdan sonra keçirilən mətbuat konfransında Qazaxıstan Prezidenti N.Nazarbayev bildirmişdir ki, ilin əvvəlindən neft əməliyyatları sayəsində həyata keçirilən vergi qaydaları yalnız yeni layihələrə aiddir və əvvəlcə imzalanmış sazişlərə şamil olunmur. O qeyd etmişdir ki, Rusiya və Çin, Bakı-Tbilisi-Ceyhan, Türkmənistan ərazisindən keçməklə İran körfəzinə gedən boru kəmərləri marşrutları üstünlük verilən layihələrdir.
Bölmənin digər xəbərləri
