Xızıda icazəsiz ova cəhd edənlər saxlanılıblar
Bakı, 19 dekabr, AZƏRTAC
Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsinin əməkdaşları Xızı rayonunun Yeni Yaşma kəndi ərazisində icazəsiz ova cəhd edən iki nəfəri saxlayıblar.
Nazirliyin mətbuat xidmətindən AZƏRTAC-a bildiriblər ki, araşdırma zamanı brakonyerlərin Xızı rayon sakini Hasil Şəfiyev və Sumqayıt şəhər sakini Malik Şərifov olduğu müəyyənləşib. Onlardan ov tüfəngi götürülüb.
Faktla bağlı təqsirkarlar barəsində protokollar tərtib olunub. Onlar, ümumilikdə, 2000 manat məbləğində cərimələniblər.
Bölmənin digər xəbərləri
