XOCALI FACİƏSİ BƏŞƏRİYYƏTƏ QARŞI ƏN BÖYÜK CİNAYƏTLƏRDƏNDİR
Lerik, 26 fevral (AZƏRTAC). Bu fikir Lerik Rayon İcra Hakimiyyətində Xocalı faciəsinin 17-ci ildönümü ilə əlaqədar keçirilən toplantıda səslənmişdir.
Tədbir iştirakçıları əvvəlcə “Şəhidlər” abidə-kompleksinin önünə gül dəstələri düzərək, faciə qurbanlarının xatirəsini ehtiramla yad etmiş, rayon tarix-diyarşünaslıq muzeyində Xocalı faciəsinin dəhşətlərini əks etdirən foto-sərgi ilə tanış olmuşlar.
İcra hakimiyyətinin başçısı Rövşən Bağırov və digərləri çıxışlarında erməni millətçilərinin Xocalıda törətdikləri qeyri-insani vəhşilikləri bəşər tarixində ən böyük faciələrdən biri kimi qiymətləndirmiş, dünya iictimaiyyətini Ermənistanın işğalçılıq siyasətinə qarşı qəti tədbirlər görməyə çağırmışdır.
Sonda “Salnamə” studiyasının istehsalı olan “Dua” filmi nümayiş etdirilmişdir.
Bölmənin digər xəbərləri
