XOCALI QƏTLİAMI ERMƏNİLƏRİN HƏQİQİ ÜZÜNÜ ORTAYA ÇIXARMIŞDIR
Bakı, 26 fevral (AZƏRTAC). Atatürk Universitetinin Türk-Erməni münasibətləri Araşdırma Mərkəzinin müdiri Erol Kürkçüoğlu Xocalı faciəsinin 17-ci ildönümü ilə bağlı keçirdiyi mətbuat konfransında demişdir ki, bu qətliam ermənilərin həqiqi üzünü ortaya çıxarmış, bir daha dünyaya nümayiş etdirmişdir.
Ermənilərin törətdikləri vəhşiliklərdən danışan natiq diqqətə çatdırmışdır ki, 1992-ci il fevralın 25-dən 26-na keçən gecə Xocalı şəhəri yerlə-yeksan edilmiş, dinc əhaliyə vəhşicəsinə divan tutulmuşdur. Həmin gecədə erməni daşnakları 613 nəfəri, o cümlədən 106 qadını və 63 uşağı ən qəddar üsullarla qətlə yetirmiş, 8 ailəni tamamilə məhv etmişlər.
Bölmənin digər xəbərləri
