Xocalı qırğınının 19-cu ildönümü Drezdendə qeyd ediləcək
Berlin, 9 fevral (AZƏRTAC). AZƏRTAC Almaniya Azərbaycanlılarının Əlaqələndirmə Mərkəzinə istinadla xəbər verir ki, fevralın 25-də Almaniyanın Saksoniya əyalətinin inzibati mərkəzi Drezdendə Xocalı faciəsinin 19-cu ildönümünə həsr edilmiş tədbir keçiriləcəkdir.
“Alm.az” Azərbaycan diaspor təşkilatının təşəbbüsü ilə keçiriləcək tədbirdə şəhər meriyasının nümayəndələrinin və şəhər qanunvericilik orqanının deputatlarının, habelə yəhudi və rus icmaları nümayəndələrinin, alman ziyalılarının, müxtəlif siyasi partiya və hərəkatların təmsilçilərinin iştirakı gözlənilir.
Tədbir zamanı Heydər Əliyev Fondunun dəstəyi ilə çəkilmiş “Xocalı haqqında həqiqət” sənədli filmi və “Xocalıya ədalət” kampaniyasına həsr olunmuş musiqili klip nümayiş etdiriləcək, Xocalı soyqırımı ilə əlaqədar AFR hökumətinə müraciət qəbul olunacaqdır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
