Xocalı soyqırımı bəşər tarixinin ən dəhşətli faciəsidir
Bakı, 25 fevral, G.Məlikova, AZƏRTAC
Fevralın 25-də Bakı Xoreoqrafiya Akademiyasında (BXA) Xocalı soyqırımının 24-cü ildönümünə həsr edilmiş tədbir keçirilib.
AZƏRTAC xəbər verir ki, tədbirdə akademiyanın elm və yaradıcılıq işləri üzrə prorektoru, Əməkdar İncəsənət Xadimi, dosent Sonaxanım İbrahimova XX əsrin ən dəhşətli və qanlı faciələrindən olan Xocalı qətliamından, erməni faşistlərinin silahsız və köməksiz Xocalı şəhərini yerlə-yeksan etmələrindən danışıb.
Sonra BXA-nın əməkdaşları Xocalının işğalı zamanı günahsız insanların xüsusi qəddarlıqla öldürüldüklərini, bu qədim şəhərin dağıdılaraq məhv edildiyini bildiriblər. Vurğulanıb ki, ümummilli lider Heydər Əliyevin təşəbbüsü ilə Xocalı faciəsinə siyasi-hüquqi qiymət verilib. Hazırda Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində bu dəhşətli soyqırımının dünya ictimaiyyətinə tanıdılması sahəsində böyük işlər görülür.
Akademiyanın şagirdləri Xocalı faciəsinə həsr olunan şeirlər söyləyiblər, “Xocalı soyqırımı Bakı Xoreoqrafiya Akademiyası şagirdinin gözü ilə” adlı videoçarx göstərilib.
Tədbir 2 nömrəli Xocalı Musiqi Məktəbi müəllimlərinin çıxışı ilə başa çatıb.
Bölmənin digər xəbərləri
