Xocalı soyqırımı ilə əlaqədar Tbilisidə yürüş keçiriləcək
Tbilisi, 25 fevral, AZƏRTAC
Fevralın 26-da Tbilisinin mərkəzi meydanında Xocalı soyqırımı ilə əlaqədar yürüş keçiriləcək.
Marneulidə fəaliyyət göstərən Azərbaycanlıların Mədəniyyət Mərkəzinin gənclər şöbəsinin rəhbəri Nərgiz Əliyeva AZƏRTAC-a bildirib ki, “Xocalıya ədalət!” kampaniyası çərçivəsində keçiriləcək yürüşün məqsədi azərbaycanlıların başına gətirilən müsibətlərlə bağlı gürcü xalqına və Gürcüstanda yaşayan digər millətlərə məlumat verməkdir.
Fevralın 26-da, eyni zamanda, Ermənistanın Tbilisidəki səfirliyi qarşısında etiraz aksiyası keçiriləcək.
Tbilisi Şəhər Meriyası və digər dövlət strukturları hər iki tədbir barədə məlumatlandırılıb.
Xətayi Əzizov
AZƏRTAC-ın xasusi müxbiri
Tbilisi
Bölmənin digər xəbərləri
