XOCALI SOYQIRIMI QURBANLARININ XATİRƏSİ ANILMIŞDIR
Bakı, 26 fevral (AZƏRTAC). Bakı Asiya Universitetində Xocalı soyqırımının 17-ci ildönümü ilə əlaqədar anma mərasimi keçirilmişdir.
Mərasim iştirakçıları Xocalı faciəsi zamanı şəhid olmuş soydaşlarımızın xatirəsini bir dəqiqəlik sükutla yad etmişlər.
Universitetin rektoru, professor Cəlil Nağıyev Xocalı soyqırımının ən dəhşətli və misli görünməmiş terror aktı olmasından danışmışdır.
Tarix kafedrasının müdiri, professor Fəxrəddin Məmmədov və başqaları çıxış etmişlər.
Çıxışlarda erməni millətçilərinin əsrlər boyu Azərbaycan torpaqlarında xüsusi qəddarlıqla törətdikləri qanlı cinayətlərdən, xalqımızın başına gətirdikləri müsibətlərdən danışılmış, ümummilli liderimiz, türk dünyasının böyük oğlu Heydər Əliyevin hakimiyyətə qayıdışından sonra Xocalı soyqırımına siyasi qiymət verildiyi vurğulanmışdır.
Sonra Xocalı faciəsinin dəhşətlərini əks etdirən videokadrlar nümayiş olunmuşdur.
Bölmənin digər xəbərləri
