Xocalı soyqırımı qurbanlarının xatirəsi Fövqəladə Hallar Nazirliyinin Akademiyasında anılıb
Bakı, 25 fevral, Məhərrəm Əlioğlu, AZƏRTAC
Fevralın 25-də Fövqəladə Hallar Nazirliyinin Akademiyasında “Xocalıya ədalət!” mövzusunda tədbir keçirilib.
AZƏRTAC xəbər verir ki, tədbir iştirakçıları əvvəlcə Xocalı faciəsi qurbanlarının xatirəsini bir dəqiqəlik sükutla yad ediblər.
Mərasimdə çıxış edən Fövqəladə Hallar Nazirliyinin Akademiyasının rəisi, general-mayor Pənah Süleymanov Xocalı soyqırımının Azərbaycan tarixinin ən qanlı səhifələrindən biri olduğunu bildirib. Erməni hərbi birləşmələri tərəfindən Xocalıda etnik təmizləmə siyasətinin aparılmasında və dinc əhalinin qətlə yetirilməsində əli olan cinayətkarların öz layiqli cəzalarını alacaqlarına əminliyini vurğulayıb.
Akademiyanın rəisi qeyd edib ki, məhz ümummilli lider Heydər Əliyevin xalqın təkidli tələbi ilə yenidən hakimiyyətə qayıdışından sonra bu faciəyə hüquqi-siyasi qiymət verilib. Azərbaycan Prezidenti İlham Əliyevin bu gün yeritdiyi məqsədyönlü və müdrik siyasət nəticəsində Xocalı faciəsi barədə əsl həqiqətlər dünya ictimaiyyətinə çatdırılır və bir sıra ölkələr Xocalı faciəsini soyqırımı kimi tanıyıb.
Sonra Akademiyanın rəis müavinləri Cabir Həsənov, Afət Qurbanov və FHN işçiləri Həmkarlar İttifaqının sədri Mehman İsmayılov çıxış edərək erməni qəsbkarları tərəfindən törədilmiş və bəşəriyyət tarixində ən qanlı qətliamlardan biri sayılan Xocalı soyqırımı və onun ağır nəticələri barədə mərasim iştirakçılarına ətraflı məlumat veriblər.
Çıxış edənlər Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən və dünya miqyasında geniş yayılaraq böyük bir coğrafiyanı əhatə edən “Xocalıya ədalət!” kampaniyasını yüksək qiymətləndiriblər.
Sonra “Məhv edilmiş şəhər: Xocalı” filmi nümayiş olunub.
Bölmənin digər xəbərləri
