Xocalı soyqırımı qurbanlarının xatirəsi Küveytdə də anılmışdır
Bakı, 24 fevral (AZƏRTAC). Azərbaycanın Küveytdəki səfirliyində Xocalı soyqırımının 19-cu ildönümü ilə bağlı anma mərasimi keçirilmişdir.
Azərbaycanın Xarici İşlər Nazirliyinin mətbuat xidmətindən AZƏRTAC-a bildirmişlər ki, mərasimdə Küveytdə yaşayan həmvətənlərimiz, ölkənin tanınmış ictimai-siyasi xadimləri, nüfuzlu KİV-lərin təmsilçiləri iştirak etmişlər.
Diplomatik nümayəndəliyimizin dəstəyi ilə “Perfect Printing Services” mətbəəsində ərəb dilində çap olunan “26 fevral 1992-ci il -Xocalı faciəsi” adlı kitablar, ərəb dilində soyqırımına dair sənədli filmin diskləri və səfirliyin bəyanatı tədbir iştirakçılarına paylanılmış, həmçinin Küveytin rəsmi qurumlarına, kitabxana və KİV-lərinə göndərilmişdir.
Mərasim iştirakçıları “Xocalı qurbanları” forosərgisi və müxtəlif illərdə çap edilmiş nəşrlərlə tanış olmuş, qanlı faciə barədə sənədli filmə baxmışlar.
Bölmənin digər xəbərləri
