Xorvatiya Ukraynaya minaların təmizlənməsi üçün 1 milyon avro ayırır
Bakı, 1 avqust, AZƏRTAC
Xorvatiya minalardan təmizləmə işləri üçün Ukraynaya 1 milyon avro ayırıb.
AZƏRTAC TASS-a istinadla xəbər verir ki, bu barədə Ukraynanın iqtisadiyyat naziri Yuliya Sviridenko məlumat verib.
“Xorvatiya Ukraynada humanitar məqsədlə - minatəmizləmə üçün 1 milyon avro ayırıb", - deyə nazir özünün feysbuk səhifəsində yazıb.
Xatırladaq ki, iyulun 25-də Sviridenko bildirib ki, Qərb minalardan təmizləmə işləri aparmaq üçün Ukraynaya 240 milyon dollardan çox vəsait verəcək. Həmin gün ABŞ-nin dövlət katibi Entoni Blinken Ukraynaya 400 milyon dollar məbləğində hərbi yardımın ötürüldüyünü elan edib.
Məlumata görə, yeni paketə təkcə silahlar deyil, həm də minalardan təmizləmə avadanlıqları daxil ola bilər.
Bölmənin digər xəbərləri
