YAPONİYA HÖKUMƏTİNİN ÖZBƏKİSTAN KONSERVATORİYASINA HƏDİYYƏSİ
AZƏRTAC-ın Daşkənddən aldığı xəbərə görə, Yaponiya hökuməti humanitar yardım çərçivəsində Özbəkistan Dövlət Konservatoriyasına musiqi alətləri və audio avadanlıq göndərmişdir. Onları öz hökuməti adından Yaponiyanın Daşkənddəki səfiri Akio Kavato təqdim etmişdir.
Özbəkistanın Mədəniyyət İşləri Nazirliyində bildirmişlər ki, hədiyyənin ümumi dəyəri 414 min dollardır.
Bu, Yaponiya hökumətinin Özbəkistan konservatoriyasına yeganə hədiyyəsi deyildir. Hazırda konservatoriyada ən müasir texnika və musiqi alətləri ilə təchiz olunmuş iki studiya fəaliyyət göstərir. Bunları da Yaponiya hökuməti təmənnasız vermişdir.
Bölmənin digər xəbərləri
