YAPONİYADA ZƏLZƏLƏ NƏTİCƏSİNDƏ ÖLƏNLƏRİN SAYI 24 NƏFƏRƏ ÇATMIŞDIR

25.10.2004 [22:23]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Yaponiyanın Niiqata əyalətində zəlzələ nəticəsində ölənlərin sayı 24 nəfərə çatmış, 2300 nəfərdən çox adam yaralanmışdır. Oktyabrın 23-dən mütəmadi davam edən güclü yeraltı təkanlar ölkənin ən böyük Honsü adasını lərzəyə gətirmişdir. Bu müddət ərzində adada Rixter cədvəli ilə 5-6,8 bal gücündə 13 yeraltı təkan qeydə alınmışdır.

Başqa yerlərlə əlaqəsi kəsilmiş Naqavka Tokamati şəhərlərinə və dağlıq ərazilərdə yerləşən bəzi bölgələrə dava-dərman və ərzaq təyyarə və vertolyotlarla çatdırılır. Niiqatada 2500-dən artıq ev və 1200 inzibati bina tamamilə, yaxud qismən uçulmuş, mobil rabitə kəsilmiş, 95 min ev işıqsız, 110 min ev susuz, 50 min ev qazsız qalmışdır.

“Sinkansen” sürət qatarlarının hərəkəti tamamilə dayanmışdır. Saatda 200 kilometr sürətlə gedən həmin qatarlardan biri 40 ildə ilk dəfə olaraq relsdən çıxmışdır. Sərnişinlər zərər çəkməmişlər.

Zəlzələ Yapon dənizi sahilindəki Kasivadzakidə yerləşən dünyanın ən iri atom elektrik stansiyasının işinə təsir göstərməmişdir. Stansiya öz işini adi rejimdə davam etdirir.

YAPONİYADA ZƏLZƏLƏ NƏTİCƏSİNDƏ ÖLƏNLƏRİN SAYI 24 NƏFƏRƏ ÇATMIŞDIR

MÜƏLLİFLƏ ƏLAQƏ

Bölmənin digər xəbərləri