Yasamal rayonunda oğurluqda şübhəli bilinən şəxslər yaxalanıblar
Bakı, 11 fevral, AZƏRTAC
Fevralın 8-də Yasamal rayonu ərazisindəki məzarın üzərində quraşdırılmış bürüncdən hazırlanmış lövhəni sökərək oğurlamaqda şübhəli bilinən Bakı şəhər sakinləri N.Yarıyev, əvvəllər məhkum olunmuşlar - H.Mustafayev və S.Vahabov rayon polis idarəsinin 28-ci polis bölməsinin əməkdaşlarının keçirdikləri əməliyyat-axtarış tədbirləri nəticəsində saxlanılıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, fevralın 7-də Suraxanı rayonunda MMC-lərdən birinə məxsus fasad divarından 7245 manat dəyərində 40 ədəd plafon və 23 ədəd limunised lampası oğurlamaqda şübhəli bilinən R.Səmədov rayon polis idarəsinin 31-ci polis bölməsinin əməkdaşlarının keçirdikləri əməliyyat-axtarış tədbirləri nəticəsində yaxalanıb.
Faktlarla bağlı araşdırmalar aparılır.
Bölmənin digər xəbərləri
