YASİR ƏRƏFATIN QARDAŞI VƏFAT ETMİŞDİR
AZƏRTAC Misirin MENA agentliyinə istinadla xəbər verir ki, mərhum Fələstin lideri Yasir Ərəfatın kiçik qardaşı Fəthi Ərəfat Qahirə hospitalında vəfat etmişdir. O, burada xərçəng xəstəliyindən müalicə olunurdu.
Fələstin Milli Şurasının üzvü və Fələstin Qızıl Aypara Komitəsinin fəxri prezidenti olmuş Fəthi Ərəfat Qahirə Universitetinin xəstəxanasının onkoloji şöbəsində müalicə edilirdi.
Ərəb KİV-lərinin verdiyi məlumata görə, Fəthi Ərəfat son dəqiqəyədək qardaşı Yasir Ərəfatın noyabrın 11-də Parisin yaxınlığındakı hərbi hospitalda vəfatından xəbər tutmamışdır.
Bölmənin digər xəbərləri
